Қалалық орталықтандырылған кітапханалар жүйесіне қарасты №18 кітапхананың ұйымдастыруымен «Рухани жаңғыру» бағдарламасы аясында 18 сәуір – халықаралық тарихи орындар мен ескерткіштер күніне орай «Ескерткіштер – тарихи тұғыр» атты «Рухани жаңғыру» сериясы бойынша шыққан кітаптарға библиографиялық шолу шарасы дәстүрлі түрде өтті.
Шараға №197 мектептің 10 сынып оқушылары және осы серия бойынша шығарылған «Сыр ескерткіштері» кітабының авторы, Қорқыт ата атындағы Қызылорда университетінің тарих кафедрасының аға оқытушысы Бақытжан Ахметбеков қатысты. Сыр өңірінің киелі орындары мен қол бастаған батырлары, тарихи ескерткіштері туралы жастарға кеңінен әңгімелеп берді. Рухани жаңғыру – бұл тарихты, бүгінгі күн мен болашақты үйлесімді сабақтастыратын ұлт жадының тұғырнамасы. Бұл еңбектің жас ұрпаққа елінің өткен тарихын танып білудегі, отансүйгіштік рухта тәрбиелеудегі мәні мен мақсаты зор.
Жылдам ақпарат алу үшін Facebook, Instagram желілері мен Telegram каналымызға жазылыңыз!