Премьер-Министр Әлихан Смайыловтың төрағалығымен Үкімет I кезең учаскелерінде жүк көліктерінен ақы алу жүйесін енгізу жұмысын жалғастыру туралы шешім қабылдады деп хабарлайды Stan.kz ақпарат агенттігі.
Жоба жолдардың сапасын арттыру мақсатында мемлекеттік бюджетке түсетін салмақты азайту үшін жүзеге асырылып жатқаны түсіндірілді. Бұл бірінші кезекте Қазақстан аумағынан өтетін транзиттік көліктерге әсер етеді.
«І кезең аясында ұзындығы 5,5 мың шақырымды құрайтын жолдарда бейнебақылау камераларымен, лидарлармен, байланыс антенналарымен және басқа да құрылғылармен жабдықталған 100-ге жуық бақылау аркалары орнатылды. Бұл жол қозғалысын күтіп ұстауға, қозғалыс қауіпсіздігін арттыруға мүмкіндік береді», – делінген хабарламада.
Үкімет басшысы жол желісін жаңғырту кезінде бейнебақылауды күшейтуге, жүргізушілер мен жолаушылардың қауіпсіздігін арттыруға ерекше назар аудару керектігін алға тартты.
Жылдам ақпарат алу үшін Facebook, Instagram желілері мен Telegram каналымызға жазылыңыз!