(мазақтама)
Бекенай ма, бұл мықты,
Қисық ісі көп тіпті.
Кешігеді сабақтан,
Қалмас бірақ тамақтан.
Кейде сабақ білмейді,
Қызармайды, күлмейді.
«Екіліктен» шықпайды,
Бұған қабақ шытпайды.
Осы біздің Бекен-ай,
Ұялмайды екен-ай.
Сабақ оқып жарытпас,
Ойын десе жалықпас.
Тебе-тебе ләңгіні,
Басы да оның қаңғыды.
Шықпас таса бұл сайдан,
Өкшесі де қисайған.
Шашы кеткен жалбырап,
Алдырмайды ол бірақ.
Мұны өзі білмейді,
«Қолым тимей жүр» – дейді.
Осы біздің Бекен-ай,
Ұялмайды екен-ай.
Жаманға қалай қиялық,
Мен жүрмін бұған ұялып.
Адырбек СОПЫБЕКОВ
Жылдам ақпарат алу үшін Facebook, Instagram желілері мен Telegram каналымызға жазылыңыз!