«Жасыл ел» жастар еңбек жасақтары – ел жастарының белсенділігі мен бастамасының жарқын үлгісі. Қалалар мен ауылдарды көгалдандыру және экологиялық жағдайды жақсарту мақсатында құрылған бұл жасақ туған елін көркейтуге үлес қосқысы келетін студенттер мен мектеп оқушыларының басын біріктіреді. «Жасыл ел» мүшелері ағаш егіп қана қоймай, аумақтардағы қалдықтарды тазарту, ауыл маңдары көшелерін тазартуға, спорттық кешендер мен өзен жағалауларын қалпына келтіруге, саябақтар мен құрылыс алаңдарын тазартуға атсалысып, экологиялық іс-шаралар мен эко-фестивальдер секілді түрлі іс-шаралар өткізуде. Бұл жасақ өскелең ұрпақтың экологиялық мәселелерге деген қамқорлығының, жасыл және таза болашақ құруға деген ұмтылысының символына айналды.
Жастарды еңбекпен қамтуды мақсат еткен жасақтың жастарға берері мол.
– «Жасыл ел» жастар еңбек жасақтарының негізгі мақсаты – жазғы маусымдық кезеңде жастарды жұмыспен қамту, еңбекке баулу, жастардың бос уақытын тиімді пайдалану мен өңірдегі экологиялық ахуалды жақсарту. Жыл сайын «Жасыл Ел» жасағы жаз мезгілінде қоршаған ортаны көгалдандыру мен уақытты пайдалы өткізгісі келетін жастарды көбірек тартады. Жасақ бағдарламасының жаңа бағыттары үнемі кеңеюде, бұл «Жасыл Ел» жасағының жұмысты одан сайын жан-жақты етеді. Жасақ бағдарламасы жастар арасында топта жұмыс істеу дағдыларын дамытуға және экологиялық сананы арттыруға бағытталған. «Жасыл ел» көпшілік үшін уақытша жұмыс орны емес, болашақ кәсіби және тұлғалық өсудің негізі қаланған өмір мектебіне айналады. Жаз бойы жастарды жұмыспен қамтамасыз ету мақсатында құрылған бұл жасақ табыс табуға мүмкіндік беріп қана қоймай, жауапкершілік пен еңбексүйгіштікке баулуда. «Жасыл ел» жастары аумақтарды абаттандыру және тазарту процесіне белсене қатысып, сол арқылы өз аймағының гүлденуіне және экологиялық жағдайының жақсаруына өз үлестерін қосуда. Жасаққа қатысу жастардың ортақ іс пен аймақтың дамуына өзіндік үлес қосуының маңыздылығын түсінуге көмектеседі, – дейді Жасұлан Нұрланбекұлы.
«Жасыл ел» жасағы жай ғана жазғы жұмыс емес. Бұл – мақсаты мен мұраты ортақ, әрбір адам маңызды іске өз үлесін қоса алатын жасыл және гүлденген өңір құруға ұмтылған жастарды біріктіретін қозғалыс. Бұл – жасыл болашаққа үлес қосу, өз аймағымыздың болашағы үшін жұмыс істеу мүмкіндігі.
– «Жасыл ел» еңбек жасағы қаланың экологиялық жағдайын жақсартуға белсенді атсалысып, түрлі абаттандыру, тазалық шараларын өткізуде. Негізгі науқандардың бірі – «Қаламызды таза ұстайық!» акциясына белсене қатысуда. Жастар елді мекендерді көгалдандыруға елеулі үлес қосып, ағаш отырғызуға, саябақтарды, алаңдарды, аулаларды абаттандыруға жасақ мүшелері де белсене атсалысуда. Сонымен қатар жасақ «Таза Қазақстан» экологиялық акциясына белсене қатысады, оның мақсаты – қоршаған ортаны тазарту және жас ы л д а н д ы р у үшін халықтың барлық топтарының күшжігерін біріктіру. Бұл шаралар қалалардың сыртқы келбетін жақсартып қана қоймай, қоршаған ортаның экологиялық жағдайын жақсартуға ықпал етеді, – дейді «Жасыл ел» жасағының жетекшісі.
«Жасыл ел» жасағының «Жас сарбаз» мүшелері спорттық шараларды ұйымдастырып келеді. Ісшараларға әр түрлі спорттық және командалық ойындар кіреді, бұл жасақ мүшелеріне командалық рух пен қарым-қатынас дағдыларын дамытуға мүмкіндік береді.
– Спорттық іс-шаралардан басқа экология бойынша білім беру тренингтері өткізіледі, онда жастар қоршаған ортаны қорғау туралы білім алады. «Жасыл Ел» ж а с т а р еңбек жасақтары экологиялық жағдайды жақсартуға және жастардың әлеуметтік белсенділігін дамытуға бағытталған түрлі ісшараларды өткізуде. Өз қызметі аясында семинарлар мен тақырыптық алаңдар ұйымдастырылады. Бұл іс-шаралар жастардың жаңа экологиялық ойлауын қалыптастыруға және оларды табиғатты қорғау ісшараларына тартуға ықпал етеді. Сонымен қатар «Жасыл ел» экологиялық бағдарламасын жүзеге асыру мәселелері мен абаттандыру және көгалдандыру жоспарлары талқыланатын жұмыс кездесулері өткізілуде, – дейді Жасұлан Алдабергенов.
Жасақ жетекшісі жаз маусымында аймақта қанша жас жұмыспен қамтылғаны туралы да тоқталды.
– Жаздың үш айында облыс бойынша маусым, шілде және тамыз айына 1200 жасты жұмыспен қамту жоспарлануда. Маусым айына квота бөлініп, соның арқасында 300-ге жуық жасты, ал шілдеде 500- ге жуық адамды жұмыспен қамтуға мүмкіндік туды.
Қалғаны тамыз айында жұмыспен қамту жоспарланған. 7 ауданға жалпы 3 айға 110 жастан бөлінді, Байқоңыр қаласына 150 жас, қалғаны Қызылорда қаласында үлестірілді. Бұл жастарға ақша табуға ғана емес, сонымен қатар еліміздің экологиялық жағдайын жақсартуға үлес қосуға мүмкіндік береді. Барлық жоспарланған іс-шаралар жүзеге асуда, бұл жасақтың жақсы ұ й ы м д а с т ы р ы л ғ а н жұмысын және оның облыстың әлеуметтікэкологиялық өміріндегі маңызды рөлін көрсетеді, – дейді Жасұлан Нұрланбекұлы.
«Жасыл ел» экологиялық жасағының жетекшісі жастардың экологиялық жобаларға қатысуы және жалақыға ерекше тоқталды. Ол еңбекақы жас мамандар жазғы жұмысты таңдауда ескеретін негізгі фактор екенін атап өтті. «Жасыл ел» Қазақстандағы экологиялық жағдайды жақсартуға ғана емес, жастар үшін тартымды еңбек жағдайларын жасауға да ұмтылады.
– «Жасыл ел» қозғалысы іске қосылғаннан бері қала мен аудан жастары арасында қызығушылық айт а р л ы қ т а й артқан. Экологиялық білім беру мен жастардың белсенділігін арттыруға бағытталған бұл қозғалыс қоршаған ортаны жақсартуға үлес қосқысы келетін көптеген жастың ұйытқысына айналды. «Жасыл ел» қатысушылары қызығушылық танытып қана қоймай, белсенді әрекетке дайын екендіктерін де көрсетеді. «Жасыл ел» қозғалысына қатысу жастардың экологиялық санасы мен белсенділігін дамытуға ықпал етіп қана қоймай,табыс табуға мүмкіндік береді, – дейді «Жасыл ел» жасағының жетекшісі.
«Жасыл ел» жастар еңбек жасақтарының қызметі – экологиялық мәселелерді шешуге және жастарды белсенді қоғамдық өмірге тартуға бағытталған сәтті бастаманың үлгісі. Олардың күш-жігері қаланың табиғи сұлулығы мен тазалығын сақтап қана қоймай, өскелең ұрпақтың қоршаған ортаға деген жауапкершілігін арттырады.
София ТЕМІРБОЛАТ
Жылдам ақпарат алу үшін Facebook, Instagram желілері мен Telegram каналымызға жазылыңыз!