«2022 жылғы Қазақстанның экономикасы мен қаржы секторы бұрын-соңды болмаған өзгерістер мен аса жоғары белгісіздік жағдайында дамыды». Үкіметтің кеңейтілген отырысында ҚР Ұлттық банкінің басқарма төрағасы Ғалымжан Пірматов инфляцияның артуына себеп болып отырған негізгі факторларға тоқталды.
– Энергия, азық-түлік пен шикізат тауарларының әлемдік бағасының айтарлықтай өсуімен қатар тауар жеткізу жолдарының бұзылуы инфляциялық процестерді күшейте түсті, – деді ол.
Инфляциялық қысымның өсуі әлемдегі орталық банктердің ақша-кредит талаптарының тез әрі синхронды түрде қатаңдауын туындатқан.
«АҚШ федералдық резервтік жүйесінің мөлшерлемені агрессивті түрде көтеруі дамушы елдердің валюталарына қысым жасап, доллардың соңғы 20 жылдағы ең жоғары деңгейге нығаюына алып келді», – деді Ұлттық банк басшысы.
Жылдам ақпарат алу үшін Facebook, Instagram желілері мен Telegram каналымызға жазылыңыз!