Fly Arystan әуе компаниясы мас күйде ұшақтағы апаттық есікті ашып жіберген жолаушыны сотқа берді. Бұл туралы Stan.kz ақпарат агенттігі хабарлайды.
Іс Түркісіб аудандық сотында қаралды. Сот әуе компаниясының келтірілген шығынды өндіру туралы азаматтық талап-арызын қанағаттандырды.
“Апаттық есікті ашылып, үрлемелі апаттық трапты іске қосылған соң да жолаушылар мен экипаж мүшелерінің ешқайсысы зардап шеккен жоқ. Дегенмен ұшақ алдағы уақытта ұшуға дайын болу үшін жоспардан тыс тексеру мен жөндеу жұмыстарын жүргізу қажет болды. Әуе компаниясы апаттық трапты ауыстыру үшін 9 551 922 теңге жұмасады. Алматы қаласы Түрксіб аудандық сотының шешімімен жолаушыдан келтірілген материалдық шығын мен мемлекеттік баж салығы өндірілмек”, – деп жазды әуе компаниясы.
Жылдам ақпарат алу үшін Facebook, Instagram желілері мен Telegram каналымызға жазылыңыз!